МАН-ын УЗ Хууль зүй, дотоод хэргийн сайдад Г.Тэмүүлэнг нэр дэвшүүлэв

Төрийн ордон дахь Ерөнхий сайдын өрөөнд Монгол Ардын Намын Удирдах зөвлөл өнөөдөр хуралдаж, Хууль зүй, дотоод хэргийн сайдын томилгоог хэлэлцсэн. Хурлын үр дүнд УИХ-ын гишүүн Г.Тэмүүлэнг уг албан тушаалд нэр дэвшүүлэхээр шийдвэрлэсэн байна.

Өчигдөр Засгийн газрын хуралдаанд Ерөнхий сайд Н.Учрал Хууль зүй, дотоод хэргийн сайд С.Амарсайханыг чөлөөлж буйгаа мэдэгдсэн. Үүний дараа намын Удирдах зөвлөл томилгооны асуудлыг хэлэлцсэн байна.

Шинэ сайдын томилгоог өнөөдөр УИХ-д танилцуулна гэсэн мэдээлэл байна.

Г.Тэмүүлэнгийн боловсрол, ажилласан байдал

• 2003 онд АНУ-ын American University-д олон улсын харилцааны бакалавр
• 2005 онд АНУ-ын American University-д олон улсын удирдлагын магистр
• 2006 онд Ашигт малтмал, газрын тосны газрын Гэрээлэлтийн хэлтэст мэргэжилтэн
• 2007 онд мөн хэлтэст ахлах мэргэжилтэн
• 2008-2009 онд Гэрээлэлтийн хэлтсийн дарга
• 2009-2014 онд Төрийн өмчит "Эрдэнэс МГЛ" ХХК-д дэд захирал
• 2013-2015 онд "Оюутолгой" ХХК-нд Төлөөлөн Удирдах Зөвлөлийн гишүүн
• 2014-2015 онд Уул уурхайн яамны дэд сайд
• 2015 оноос Нийгмийн ардчилал монголын залуучуудын холбооны ерөнхийлөгч
• 2015 оноос МАН-ын Удирдах зөвлөлийн гишүүн
• 2016-2020, 2020-2024 онд УИХ-ын гишүүн
• 2022-2024 онд УИХ-ын Төсвийн байнгын хорооны дарга
• 2024 оноос УИХ-ын гишүүн
• 2024 оноос УИХ-ын Аюулгүй байдал, гадаад бодлогын байнгын хорооны дарга