МАН-ын бүлэг тавьсан төсвийн тодотголд 1.4 их наяд төгрөгийн зарлага, цалин тэтгэврийн нэмэгдэл багтжээ

УИХ дахь МАН-ын бүлгийн өнөөдрийн хуралдаанаар 2026 оны төсвийн тухай хуульд өөрчлөлт оруулах тухай хуулийн төслийг хэлэлцэж, гишүүдийн олонх дэмжсэн. Сангийн сайд З.Мэндсайхан төсвийн тодотголын талаар мэдээлэл өгөв.

Түүний хэлснээр, боловсрол, эрүүл мэндийн салбарын цалинг өмнө нь нэмсэн ч зардлыг төсөвт тусгаагүй, харин Засгийн газар өөрийн үйл ажиллагааны зардлаа танаж цалин олгож байжээ. Мөн төрийн үйлчилгээний салбарын цалинг нэмээгүй. Тиймээс энэ салбарын цалинг нэмэхэд 80.1 тэрбум төгрөгийг төсвийн тодотголд суулгасан байна.

Төсвийн тодотголд гадаад орчны нөхцөл байдал, шатахуун, эрчим хүчний хомсдол эдийн засагт сөргөөр нөлөөлж байгаа нь хамгийн их нөлөөлсөн гэдгийг сайдад онцолсон.

Төсвийн тодотгол батлагдсанаар 11-р сарын 1-нээс дундаж тэтгэвэр 1.3 сая төгрөг болох юм. Нийтдээ төсвийн зарлагын 1.4 их наяд төгрөгийн нэг их наяд орчим нь цалин, тэтгэврийн нэмэгдэлд зарцуулагдана.

Үлдсэн мөнгийг хөдөө аж ахуй, уул уурхайн салбарт эрэлт, нийлүүлэлт, нөөц бүрдүүлэлт хийхэд 150 орчим тэрбум, өвлийн ид ачааллын үед эрчим хүчний салбарын засвар, шинэчлэлтэд 200 орчим тэрбум төгрөг зарцуулахаар тооцжээ. Мөн 48-аас дээш хүүхэдтэй 1080 сургуулийн ачааллыг бууруулахэд зориулж тодорхой төсөв тусгасан гэв.