М.Нарантуяа: Ногдол ашгийг иргэдэд олгох нэг удаагийн хуулийг яаралтай батлах хэрэгтэй
УИХ-ын гишүүн М.Нарантуяа Оюу толгойн ногдол ашгийн санал асуулгын талаар тодруулга хийлээ.
Тэрбээр Оюу толгойн ногдол ашгийг авчирч чадсаныг эерэгээр үнэлсэн ч яагаад төсөвт суулгаж, дэд бүтцийн асуудлыг шийдэж байгааг шүүмжилсэн. Эрдэнэс таван толгойн ногдол ашгийг иргэд гар дээрээ авч болдог мөртлөө энийг яагаад болдоггүй юм гэж тэр асуув.
Зарим гишүүд энэ мөнгийг иргэдэд бэлнээр олговол үнийн өсөлт үүснэ, жижиг хэрэглээнд зориулснаас дэд бүтцэд зориулах хэрэгтэй гэсэн байр суурьтай байгааг тэр дурдав. Харин өөрөө энэ байр суурийн эсрэг байгаагаа илэрхийлж, олон удаагийн парламентын хугацаанд дэд бүтцийн асуудлаа шийдэж чадаагүй байгааг тэдний арчаагүй байдал гэж үзэж байна.
Яагаад иргэдийн авах ёстой байгалийн баялгийн ашгаар дэд бүтцийн асуудлаа шийдэж байгаа юм? Нэг удаагийн хуулийг яаралтай баталж, ногдол ашгийг иргэдэд олгох хэрэгтэй.
Иргэд ногдол ашгаа хэрхэн зарцуулах нь өөрсдийн дур, харин дэд бүтэц түүхий байна гэдэг нь төр засгийн асуудал гэж М.Нарантуяа онцлов.
Түүнчлэн санал өгөх боломжгүй санал асуулга явуулахаа болих хэрэгтэй гээд, иргэд хүүхдүүддээ өвлийн хувцсыг нь ч болов аваад өгөх боломжтойг дурдаж, энийг нэг удаагийн хуулиар зохицуулах боломжтой гэв.
Холбоотой мэдээ
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Тамхины тухай хуулийн төслийг эцэслэн батлах шатанд хүрлээ
Замын хөдөлгөөний дүрэмд өөрчлөлт орж, скүүтер, мопедийг зөвхөн машин замаар явуулна
АН: Оюу толгойн ногдол ашгийг төсөл хөтөлбөрт зарцуулах нь буруу
Интерполын эрх ямба, дархан эрхийн хэлэлцээрт гарын үсэг зурах эрхийг Засгийн газарт олгохыг дэмжив
