Карго ачаанаас хувцасанд далдласан 1.6 кг метамфетамин илрүүлжээ

Гаалийн байгууллага Тагнуул, Цагдаагийн байгууллагатай хамтран мансууруулах эм, сэтгэцэд нөлөөт бодисын хууль бус эргэлтийг илрүүлэх, урьдчилан сэргийлэх чиглэлээр хяналт шалгалт хийж байна.

2026 оны есдүгээр сарын 28-нд 961 кг жинтэй, 21 боодол карго ачаанд гаалийн хяналт шалгалт хийх үеэр хувцас дотор нуусан нэг кг 630 грамм метамфетамин буюу “мөс” гэх нэршилтэй бодисыг илрүүлж, улсын хилээр хууль бусаар нэвтрүүлэх оролдлогыг таслан зогсоосон байна.

Гаалийн байгууллага хойшлуулшгүй арга хэмжээ авч, харьяаллын дагуу хууль хяналтын байгууллагад шилжүүлэн ажиллаж байна.

Иргэн, аж ахуйн нэгжүүд бусдын нэрээр болон дайвар хэлбэрээр ачаа, карго тээвэрлэхдээ агуулгыг сайтар шалгаж, мансууруулах эм, сэтгэцэд нөлөөт бодисыг хууль бусаар нэвтрүүлэх гэмт хэрэгт холбогдохоос сэрэмжлэхийг Гаалийн Ерөнхий Газар мэдээллээ.