Жимс, самрын импорт 35.5 хувиар өсжээ

Монгол Улс 2026 оны эхний есөн сард нийт 9.7 тэрбум ам.долларын бараа, бүтээгдэхүүн импортолсон байна. Импортын бүтцэд нефтийн бүтээгдэхүүн 22.6 хувиар тэргүүлж, 2.2 тэрбум ам.доллар болжээ.

Мөн суудлын автомашины импорт 804.6 сая ам.доллар, ачааны автомашиных 367.2 сая ам.долларт хүрсэн байна.

Түлшний хувьд 684.9 мянган тонн автобензин импортолсон нь өмнөх оны мөн үеэс 9.6 хувиар, 1,463.5 мянган тонн дизель түлш импортолсон нь 7.5 хувиар тус тус өссөн байна.

Хүнсний барааны импортод улаанбуудай, хүнсний ногоо, жимс, самар болон мал аж ахуйн гаралтай бүтээгдэхүүний хэмжээ өмнөх оны мөн үеэс нэмэгдсэн байна. Тухайлбал:

• Улаанбуудай – 138.0 мянган тонн буюу 11 дахин өссөн;
• Хүнсний ногоо – 114.9 мянган тонн буюу 9.1 хувиар өссөн;
• Элсэн чихэр – 51.8 мянган тонн буюу 15.5 хувиар өссөн;
• Жимс, самар – 64 мянган тонн буюу 35.5 хувиар өссөн;
• Тахиа, гахайн мах, өөх – 40.5 мянган тонн буюу 25.2 хувиар өссөн байна гэж Гаалийн Ерөнхий Газар(ГЕГ)-аас мэдээлэв.