Ипотекийн зээлийн үлдэгдэл 12.3 их наяд төгрөгт хүрч, 108.4 тэрбум нь чанаргүй

Арилжааны банкууд болон Монголын Ипотекийн Корпорацаас олгосон ипотекийн зээлийн үлдэгдэл 2026 оны зургаадугаар сарын эцэст 12.3 их наяд төгрөгт хүрсэн байна. Энэ нь өмнөх оны мөн үетэй харьцуулахад 1.9 их наяд төгрөгөөр буюу 18.8 хувиар өссөн үзүүлэлт юм.

Үлдэгдлийн бүтцийг авч үзвэл:

• 97.6 хувь буюу 12.1 их наяд төгрөг — хэвийн зээл,
• 1.5 хувь буюу 188.4 тэрбум төгрөг — анхаарал хандуулах зээл,
• 0.9 хувь буюу 108.4 тэрбум төгрөг — чанаргүй зээл.

Харин ипотекийн зээлдэгчдийн тоо 2026 оны долоодугаар сарын эцэст 136.8 мянгад хүрч, өмнөх оны мөн үеэс 9.4 мянга буюу 7.3 хувиар нэмэгдсэнийг Үндэсний Статистикийн Хороо мэдээлэв.