Хувцас, бөс бараа, гутлын үнэ 7.4 хувиар өсжээ

Үндэсний Статистикийн Хороо (ҮСХ) 2026 оны эхний найман сарын нийгэм, эдийн засгийн үзүүлэлтийг өнөөдөр танилцуулсан бөгөөд хэрэглээний бараа, үйлчилгээний үнийн мэдээллээр эхэлжээ.

Хэрэглээний бараа, үйлчилгээний үнэ 2026 оны наймдугаар сард өмнөх оны мөн үеэс 12.5 хувиар өссөн байна. Үүнээс барааны бүлэг 13 хувиар, үйлчилгээний бүлэг 10.9 хувиар тус тус өссөн байна.

Хэрэглээний бараа, үйлчилгээний үнийн өсөлтөд дараах бүлгүүд голлон нөлөөлжээ:

• хүнсний бараа, ундаа ус — 21.5 хувь,
• хувцас, бөс бараа, гутал — 7.4 хувь,
• гэр ахуйн тавилга, гэр ахуйн бараа — 8.9 хувь,
• эм тариа, эмнэлгийн үйлчилгээ — 7.1 хувь,
• зочид буудал, нийтийн хоол, дотуур байрны үйлчилгээ — 16.4 хувь,
• боловсролын үйлчилгээ — 14.4 хувь, бусад бараа, үйлчилгээ — 9.4 хувь.