ХҮҮХДИЙН ЭРХИЙН ГОМДОЛ НЭМЭГДЭЖ, ДОТУУР БАЙРНЫ НӨХЦӨЛ ХҮНДЭРЧ БАЙНА
Хүний эрхийн үндэсний комисс хүүхдийн эрхийн асуудлаар мэдээлэл хийлээ. Хяналт шалгалт, гомдлын хэлтсийн дарга Г.Ууганбаатарын хэлснээр хичээлийн шинэ жил эхэлснээс хойш хүүхдийн сурч боловсрох эрхтэй холбоотой гомдол ихэсч байна.
Тухайлбал, эцэг эхчүүдээс хөрөнгийн мэдээлэл шаардах, түр оршин суугчийн бүртгэлтэй хүүхдийг сургуульд бүртгэхгүй байх, үе тэнгийн дээрэлхэлт, багш ажилтнууд хүүхэдтэй зүй бус харьцах, сургуулиудын даац хэтрэх зэрэг асуудал гарч байна.
Нэг ангид 60-70 хүүхэд суралцаж байна. Мөн ахуйн зориулалтын хуванцар сандал дээр сууж байгаа гэх мэдээллүүд ирсэн.
Сургууль, цэцэрлэгийн хүртээмжийг урьдчилан тооцоолж, шийдвэрлэх шаардлагатай байна. Алслагдсан сумдын дотуур байранд хүүхдийн эрхийн зөрчил хэвээр байна.
Хөвсгөл аймгийн Ханх сумын дотуур байр дотроо ариун цэврийн байгууламж байхгүй учир хүүхдүүд гадаа бие засаж байна.
Зургаан настай хүүхдийн хувьд хөл хоорондын зайн стандарт хангаагүй байна. Энэ бол зөвхөн нэг сумын жишээ юм. Хүүхдийн эрхийг хангахын тулд орон нутаг болон улсын төсвөөс урсгал зардал хийх шаардлагатай байна.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
