ХҮН нам төсвийн тодотголд дэмжиж, Засгийн газрын тогтвортой байдлыг дэмжинэ

ХҮН намын зөвлөл өнөөдөр хэвлэлийн хурал хийж, 2026 оны төсвийн тодотгол болон Засгийн газрын тогтвортой байдлын асуудлаар байр сууриа илэрхийлэв. Намын Зөвлөлийн дарга П.Ганзориг төсвийн тодотголыг дэмжиж байгаагаа мэдэгдсэн ч, оруулж ирсэн төсөл нь түр зуурын арга хэмжээ авахаар байгааг тэмдэглэв.

Тэрбээр цалин хөлс нэмж, иргэдийн орлогыг өсгөх ч инфляц өдөөх эрсдэлтэй гэж үзэж байна. Мөн ДНБ-ий хоёр хувьтай тэнцэх төсвийн алдагдлыг Засгийн газар үнэт цаас гаргаж санхүүжүүлэхээр байгаа нь жижиг, дунд бизнесүүдэд санхүүгийн хүртээмжийг бууруулж болзошгүйг анхаарууллаа.

МАН-ын дарга Н.Учралын тэргүүлж буй Засгийн газрыг огцруулах эсэх яриа гараад буй үед ХҮН намын Төлөөлөх зөвлөл өнгөрсөн долоо хоногийн Баасан гарагт хуралдаж, байр сууриа нэгтгэсэн байна. П.Ганзориг "2024 оноос хойш ХҮН нам Засгийн газартай хамтран ажиллаж, төр засгийн тогтвортой байдлыг нэн тэргүүнд тавьж ирсэн. МАН-ын хэн нь Ерөнхий сайд болох нь бидэнд чухал биш. Харин бодлогын тогтвортой байдлыг хангах хэрэгтэй" гэлээ.

Түүнчлэн "Сонгууль ирэхэд ард түмэн дүнгээ тавина. Иймд төр засгийн тогтвортой байдлыг хангахад байр сууриа нэгтгэсэн" гэж тодрууллаа.