Хотын дарга ТҮЦ-ийн асуудлаар зөвлөх, УБЗАА-ны даргад үүрэг өглөө
Нийслэлийн удирдах ажилтнуудын шуурхай зөвлөгөөн 2026 оны есдүгээр сарын 14-нд болж, ТҮЦ-үүдийг цэгцлэх асуудлыг хэлэлцжээ.
Хотын дарга Б.Пүрэвдагва: "ТҮЦ хариуцсан орон тооны бус зөвлөх байгаа ч ахиц харагдахгүй байна. УБЗАА-ны дарга Мэндбаярыг ТҮЦ эрхлэгч нар болон орон тооны бус зөвлөхтэйгөө уулзаж, цэгцлэх үүрэг өгч байна" гэв.
Тэрээр Сүхбаатар дүүргийн Дөлгөөн нуурын гудамжаар өчигдөр явсан тухайгаа дурдаад, замын дагуу матрас тавьсан, хог шороотой, ТҮЦ-үүд тогоо татсан байдалтай, замбараагүй болсныг хэлжээ.
"Хойшоогоо төв замууд авах юм алга. Дүүргийн дарга нар амралтын өдрүүдэд гудамж, талбайгаар явж үзэх хэрэгтэй" гэж Б.Пүрэвдагва нэмж хэлсэн байна.
Мөн хотын төвд нийтийн эзэмшлийн талбай, явган хүний зам дээр ТҮЦ байрлуулахгүй байх зарчмыг баримталж байгааг тэрээр онцолжээ.
Өнгөрсөн оны дөрөвдүгээр сараас эхлэн нийслэлд автобусны зогсоол болон нийтийн эзэмшлийн газрын 100 гаруй байршилд үйл ажиллагаа явуулж байсан 1,278 ТҮЦ-ийг нүүлгэсэн ч дахин байршуулсан асуудал үүссэн байна.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
