Х.Уянга: Х.Нямбаатарыг сэтгүүлчдэд газраар наймаалцсан байж болзошгүй гэв

Хууль зүйн сайд, Хотын захирагч асан Х.Нямбаатарын талаар иргэн Х.Уянга нарын иргэд өнөөдөр мэдээлэл хийлээ.

Тэрбээр Х.Нямбаатарыг хэзээ Монголд авчрах нь тодорхойгүй байгааг дурдаад, өнгөрсөн долоо хоногт түүнийг АТГ яллагдагчаар татсан тухай мэдээлэл өгснийг сануулав. Есдүгээр сарын 19-нд албажсан гэх мэдээлэл байгаа ч 19 дэх хоног өнгөрөөд байгааг хэлэв.

Х.Уянга "Хатан туулаа хамгаалъя" хөдөлгөөний үеэр олон сэтгүүлч шинэ хэвлэлүүдтэй хамтран оролцогчдыг харлуулан дайрч байсныг дурдаж, Нийслэлийн Засаг дарга асан болон хэвлэлийг холбосон сэжүүр илэрсэн байж болох баримтыг цагдаагийн газарт өгөхөө мэдэгдэв.

"eguur.mn сайтын ерөнхий редактор, эзэн Мядагбадам гэдэг хүний тухай баримтыг цагдаагийн газарт өгнө. Энэ хүн 5-р сарын 16-ны постоороо хэний талд байгаагаа маш тодорхой бичсэн байдаг" гэв.

Тэрбээр Мядагбадамын нэр дээрх 10 газрын мэдээлэл гарт байгааг, тэдгээрийн найм нь 2026 оны нэгдүгээр сарын 19-нд олгогдсоныг мэдээлэв. Уг найман газар нь хүсэлт гаргаснаас хойш ердөө 10 хоногийн дотор шийдвэрлэгдсэн гэж тэрбээр хэлэв.

Иргэд нэг газар авах гэж махаа идэж байхад guur.mn сайтын ерөнхий редактор Мядагбадам хэрхэн найман газрыг нэг өдөрт өөрийн нэр дээр гаргуулж чадав аа? Иймд миний хардах өнцөг бол Х.Нямбаатар дан ганц мөнгөөр угжихаас гадна сэтгүүлчидтэй нийслэлчүүдийн газраар наймаалцдаг байсан байх боломжтой гэж харж байна