Говь-Алтайн хоёр суманд годрон өвчнөөр 13,890 ямаа устгажээ

Говь-Алтай аймгийн Цогт, Дэлгэр суманд годрон өвчний улмаас өчигдрийн байдлаар нийт 32 өрхийн 13,890 ямааг устгалд оруулсныг Говь-Алтай аймгийн Мал эмнэлгийн газар мэдээллээ.

Өвчний тохиолдол бүртгэгдсэнээс хойш тус аймагт 570 ямаа годронгоор өвчилсөн байна. Голомтод байсан Цогт сумын 27 өрхийн 11,891, Дэлгэр сумын 5 өрхийн 1,999 ямааг устгажээ.

Годрон өвчний вакцин үйлдвэрлэхэд шаардлагатай 1.5 тэрбум төгрөг болон малчдад нөхөн төлбөр олгох асуудлыг Засгийн газрын хуралдаанаар шийдвэрлэсэн байна.