ГХЯ: Miss Grand International-д Монгол Улсыг Хятад иргэн төлөөлж байгаа асуудлыг шалгаж байна

Тайландын Бангкок хотод болж буй Miss Grand International 2026 тэмцээнд Монгол Улсыг Хятад улсын иргэн төлөөлж буй асуудал олны анхаарлыг татсан. Уг асуудлаар Монгол Улсын Гадаад харилцааны яам болон Бангкок дахь Элчин сайдын яам тэмцээнийг зохион байгуулагч талтай холбогдож, тухайн оролцогч ямар үндэслэлээр Монгол Улсыг төлөөлж буйг тодруулах, төлөөлөх эрхийг түдгэлзүүлэх чиглэлээр ажиллаж байна.

Энэ нь анхны тохиолдол биш бөгөөд 2022 онд мөн Якут бүсгүй Монгол Улсыг төлөөлөн оролцож байжээ.

Miss Grand International 2026-д 80 гаруй орны миссүүд өрсөлдөж байгаа бөгөөд тэмцээн 9-р сарын 18-наас 10-р сарын 10 хүртэл үргэлжилж, финал 10-р сарын 10-нд Бангкок дахь MGI Hall-д болохоор товлогдсон байна.