Германы ГХ-ийн сайд цэргийн насны Украин эрчүүдийг нутаг буцаах ёстой гэв

Германд оршин сууж буй цэргийн насны Украин эрчүүд эх орондоо буцах ёстой гэж Германы Гадаад хэргийн сайд Иоганн Вадефул Bild хэвлэлд өгсөн ярилцлагадаа мэдэгджээ.

Тэрээр «Бид энд хэн амьдардаг болон хэн нийгмийн халамж авдаг, хэн энд бүртгүүлсэн, оршин суух статустай болохыг мэдэж байгаа» гэж хэлсэн бөгөөд энэ мэдээллийг Германы Засгийн газар Киевт өгөх боломжтой гэдгийг онцолсон байна.

Түүний хэлснээр, Украины Засгийн газар энэ мэдээлэлд үндэслэн цэргийн насны залуусыг цэргийн албанд дуудах зарлан дуудах хуудас илгээх боломжтой бөгөөд «Би үүнийг Украины талтай хэлэлцэх ёстой гэж үзэж байна» гэж нэмж хэлжээ.