Гэрийн даалгаврын цагийг ангиар нь ялгах чиглэл батлав

Боловсролын сайдын 2026 оны наймдугаар сарын 31-ний өдрийн А/276 дугаар тушаалаар гэрийн даалгаврын төрөл, түвшин, нэг өдөрт өгөх гэрийн даалгаврын дээд хугацааг анги, насны онцлогоос хамааран ялгаатайгаар тогтоох чиглэлийг баталжээ.

Гэрийн даалгавар нь хичээлээр эзэмшсэн мэдлэг, чадварыг бататгах, гүнзгийрүүлэх, бие даан суралцах чадварыг хөгжүүлэхэд нөлөөтэй ч хэт их ачаалал нь хүүхдүүдийн хөгжлийн онцлогт тохирохгүй байгаа нь сургалтын үр дүнд сөргөөр нөлөөлж байгаа талаар шийдвэрт дурджээ.