Гар утсаа дээрэмдүүлсэн эмэгтэйн хэрэг: сэжигтнийг Сонгинохайрхан дүүргээс олж тогтоожээ
Энэ оны эхний найман сард улсын хэмжээнд дээрэмдэх төрлийн 457 гэмт хэрэг бүртгэгдсэн гэж Цагдаагийн байгууллага мэдээллээ.
Тухайлбал, "манай эхнэр гар утсаа дээрэмдүүлсэн байна" гэх дуудлага мэдээлэл оройн 20:00 цагт цагдаагийн байгууллагад бүртгэгдсэн байна.
Шалгалтаар 34 настай эмэгтэй А-г гэртээ харихаар явж байхад нь архи согтууруулах ундааны зүйл хэрэглэсэн 35 орчим насны эрэгтэй айлган сүрдүүлж, биед нь халдан гар утсыг нь дээрэмдэж зугтаасан болохыг тогтоожээ.
Сэжигтэн М-ийг Сонгинохайрхан дүүргийн цагдаагийн газрын гуравдугаар хэлтсийн алба хаагчид эрэн сурвалжилж, олж тогтоон шалгалтын ажиллагааг үргэлжлүүлж байна.
Эрүүгийн хуулийн 17.2 дугаар зүйлийн 2 дахь хэсэгт зааснаар бусдын эд хөрөнгийг хүч хэрэглэж, хүч хэрэглэхээр заналхийлж авахаар довтолсон бол 2-8 жил хүртэл хугацаагаар хорих ял шийтгэдэг.
Иймд шөнө оройн цагаар болгоомжтой явахыг сэрэмжлүүлж байна.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
