Ерөнхий сайд: Сургуулийн зардал шийдсэн гэх мэдээлэл үндэслэлгүй

Ерөнхий сайд Н.Учрал цаг үеийн асуудлаар мэдээлэл хийхдээ улсын төсвийн хэлэлцүүлэг, ногдол ашгийн нэмэгдэл, татварын шинэчлэл болон өөрт холбоотой сургуулийн зардлын талаар ярилаа.

Тэрээр төрийн өмчийн ногдол ашгийг 3 их наядаар нэмэгдүүлэх, Оюутолгойн ногдол ашгийн 3 их наяд төгрөгийг авах саналыг дурдаад, үүнээс олсон орлогыг багш, эмчийн цалин, тэтгэвэр тэтгэмжид зарцуулахыг мэдэгдэв. Мөн 2027 оны 1-р сарын 1-нд татварын хууль хэрэгжихтэй холбогдуулан 15 мянган ажлын байр бий болгох төслийг УИХ-д өргөн мэдүүлж, хэлэлцэж байгааг онцлов.

Төсвийн тодотголтой холбоотой улс төржилт өрнөж буйг дурдаад, ард иргэд түүнийг мэддэг, нуух зүйлгүй гэж мэдэгдэв. Нээлттэй, ил тод байх зарчмынхаа дагуу мэдээллийг бүрэн нягтлах хүсэлт гаргаснаа илэрхийлэв.

Тэрээр цааш нь: "Энэ хүсэлтийн дагуу үнэнийг тогтоох байх. Ямар нэгэн хүсэлт өгөөгүй, ямар нэгэн зөвшөөрөл гаргаагүй, төсөв хуваарилах асуудал яригдаагүй" гэв.

Өргөн мэдүүлсэн төсөвт бүх зардал багтсан бөгөөд Монгол Улсын Ерөнхий сайдын гарын үсэг, ЗГХЭГ-ын дарга болон Сангийн сайдын гарын үсэгтэй байдаг. Энэ жагсаалтыг УИХ бүрэн хэлэлцдэг гэж тэрээр тайлбарлав.

Тиймээс төсөвт байхгүй заалтуудаар хүнийг гүтгэж харлуулах, төсвийг унагах гэсэн үйлдэл байж болзошгүй тул үнэнийг тогтоох шаардлагатай гэж үзсэнээ хэллээ.

Ерөнхий сайдын хамаарал бүхий сургуульд зардал шийдсэн гэх зүйл огт байхгүй.

Мэдээллийн үеэр шууд дамжуулалтыг үзүүлсэн.