Эрхээ хасуулсан үедээ согтуугаар жолоодсон найман гэмт хэрэг бүртгэгдлээ

2026 оны 10 дугаар сарын 13-ны өдрийн дотор тээврийн хэрэгсэл жолоодох эрхээ хасуулсан байх хугацаандаа дахин согтуугаар жолоодсон найман гэмт хэрэг бүртгэгдсэн гэж Тээврийн цагдаагийн албанаас мэдээлэв.

Ийм төрлийн зөрчилд Эрүүгийн хуулийн 27.10-т зааснаар 2.700-14.000 нэгж буюу 2.700.000-14.000.000 төгрөгийн торгууль ногдуулах, зургаан сараас гурван жилийн хугацаагаар зорчих эрхийг хязгаарлах, зургаан сараас гурван жил хүртэлх хугацаагаар хорих ял шийтгэдэг байна.

Цагдаагийн байгууллагаас жолооч нарт замын хөдөлгөөнд оролцохдоо хариуцлагатай байж, замын хөдөлгөөний дүрмийг баримтлан, согтууруулах ундаа хэрэглэсэн үедээ тээврийн хэрэгсэл жолоодохгүй байхыг анхаарууллаа.