Дөрвөн чиглэлд автобусны шинэ зогсоол нэмж, маргаашаас үйлчилнэ

Нийтийн Тээврийн Бодлогын Газраас мэдээлснээр дөрвөн чиглэлд автобусны зогсоол шинээр нэмэгдэж, есдүгээр сарын 26-ны өдрөөс иргэдэд үйлчилж эхэлнэ.

Ч:67 «Морин 3–Нисэх» чиглэлийн замналд «Морингийн зам 1» зогсоол, Х:7 «Туул тосгоны шинэ эцэс–Хангарьд цогцолбор» чиглэлийн замналд «Морингийн зам 1», «Эко Спорт цогцолбор» зогсоолууд байгуулагдсан байна.

Х:18 «Улаанбаатар (Тэнгэр плаза)–Багахангай эцэс» чиглэлийн замналд «Чулуун овоо», «Баян зөрлөг», «Хайрхан зөрлөг», «Хоолт зөрлөг», «Баян зөрлөг» (урд, хойд) зогсоолууд нэмэгдсэн бол Х:17 «Тэнгэр плаза–Хэрлэн худалдааны төв» чиглэлийн автобуснууд «Цонжин болдог», «Өртөө толгой» (урд, хойд) буудал дээр зогсдог болжээ.

Шинэ зогсоолуудыг нэвтрүүлснээр автобусны зогсоол хоорондын зай ойртох аж.