Даац хэтэрсэн задрах боломжгүй ачаа тээвэрлэлтийг сарын хугацаанд зогсооно
Зам тээврийн хөгжлийн төв ТӨҮГ-аас 2026 оны 10 дугаар сарын 15-ны өдрөөс 2026 оны 11 дүгээр сарын 15-ны өдрийг хүртэлх хугацаанд зөвшөөрөгдөх дээд хэмжээнээс хэтэрсэн, задрах боломжгүй ачаа тээвэрлэлтийг зогсоож байгааг мэдээллээ.
Хүйтний улирал эхэлж, цаг агаар сэрүүсэх энэ үед газрын хөрс, далангийн өнгөн хэсэг хөлдөж, ус чийг ихээр хуримтлагдсанаар авто замын ачаа даах чадвар, бат бэхийн үзүүлэлт огцом буурч байгааг шалтгаан болгон дурдсан байна.
Тээвэрлэлтийг "Автотээврийн хэрэгслийн ангилал. техникийн байдалд тавих ерөнхий шаардлага MNS 4598:2025" стандартын 5.2 дахь заалтад нийцүүлэн хийх бөгөөд тогтоосон хугацаанд зөвшөөрөгдөх хэмжээнээс хэтэрсэн тээвэрлэлт хийж авто зам, замын байгууламжид хохирол учруулсан иргэн, аж ахуйн нэгж байгууллага холбогдох хуулийн дагуу хохирлыг барагдуулна гэж мэдээлсэн.
Иймд иргэн, аж ахуйн нэгж байгууллагуудыг даац хэтрүүлэн тээвэрлэлт хийхгүй байхыг зөвлөжээ.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
