Д.Амарбаясгалан: Л.Энх-Амгалан 50 тэрбумын хулгайгаа дарахын тулд гишүүдийг гүтгэсэн

УИХ-ын гишүүн Д.Амарбаясгалан өнөөдөр мэдээлэл хийх үеэрээ төсвийн тодотголтой холбоотой асуудлыг хөндсөн байна.

УИХ-ын өргөдлийн байнгын хороон дээр Засгийн газраас оруулж ирсэн төсвийн тодотголыг хэлэлцсэн бөгөөд ахмадын тэтгэвэр, төрийн байгууллагуудын цалин нэмэх асуудлыг УИХ-ын гишүүд бодлогын хувьд дэмжиж байгаа аж.

Г.Занданшатарын Засгийн газар багш, эмч нарын цалинг салгаж бусад төрийн албан хаагчийн цалинг нэмэхгүй орхисон нь өнөөдрийн эдийн засгийн нөхцөл байдлыг хүндрүүлэх, төрийн сан улайх нөхцөл байдалд хүргэсэн. Үүнийг төсвийн тодотголоор засах нь дамжиггүй.

Тэрээр цааш нь «Үүнийг дэмжээгүй тохиолдолд улсын сан хөмрөг хоосорно. Улс дампуурлын зам руу орох аюултай гэдгийг бүгд ойлгож байгаа» гэж мэдэгдсэн.

Мөн Л.Энх-Амгалан сайд төсвийн тодотгол дотор 50 тэрбум төгрөгийн сургуулийн тоног төхөөрөмжийн зардал хэмнэх зардлыг оруулж ирснийг УИХ-ын гишүүд сөхсөн. Боловсролын яамнаас хавсралт файлыг Сангийн яамны зарлагын хэлтсийн дарга н.Бат-Эрдэнээр дамжуулан ирүүлсэн бөгөөд төрийн нарийн бичгийн дарга бүх файлыг уншиж танилцуулсан. Дараа нь «загнуулсан уу, дарамтлуулсан уу» эргэж буцсан гэж Д.Амарбаясгалан хэлсэн. Араас нь Л.Энх-Амгалан сайд гарч ирнээ УИХ-ын гишүүдийг ажлаа хийснийх нь төлөө есөн шидээр нэрлэж, дарамталсан гэж тэрээр мэдээлэв.

Цалин тэтгэвэр нэмэх сайн амлалтын араар 50 тэрбум төгрөгийн хулгай оруулж ирэх гэж байгаад баригдсан. Тэр хулгайгаа дарахын тулд зориудаар улс төржүүлж УИХ-ын гишүүдийг гүтгэсэн гэж үзэж байна.

Мэдээллийн үеэр шууд дамжуулалтыг МАСС ТВ-ээр хийсэн.