Чингис хаан нисэх буудалд цаг уурын автомат ажиглалтын нөөц систем суурилуулав
Монгол Улсын нислэгийн цаг уурын үйлчилгээг сайжруулах зорилгоор Цаг уур, орчны шинжилгээний газар Дэлхийн цаг уурын байгууллага (ДЦУБ) болон БНСУ-ын Цаг уурын байгууллагатай хамтран техникийн туслалцааны төсөл хэрэгжүүлсэн.
Төслийн хүрээнд 250 мянган ам.долларын өртөгтэй цаг уурын автомат ажиглалтын нөөц системийг суурилуулах ажил 2026 оны наймдугаар сард эхэлж, аравдугаар сарын 2-нд Чингис хаан олон улсын нисэх буудлын хөөрч буух зурваст ашиглалтад орлоо.
ДЦУБ-аас зарласан сонгон шалгаруулалтад Campbell Scientific Limited компани шалгарч, хөөрч буух зурвасын R11, R29 талд иж бүрдлийг суурилуулсан. Эдгээрт салхины зүг, хурдны ультрасоник мэдрүүр, алсын барааны харагдац, RVR, цаг агаарын үзэгдэл тодорхойлогч (гэрлийн мэдрүүр болон агаарын температур бусад мэдрүүртэй хосолж цаг агаарын үзэгдлийг тодорхойлдог), GPS-цаг тохируулагч зэрэг манай улсын цаг уурын улсын сүлжээнд шинээр нэвтэрч буй дэвшилтэт технологийн тоног төхөөрөмжүүд багтсан.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
