Бэлхийн хүүхдийн тоглоомын талбайд баавгай үзэгдсэн гэх мэдээлэл худал

Сүхбаатар дүүргийн 18 дугаар хороо, Бэлхийн 53 дугаар гудамжийн хүүхдийн тоглоомын талбайн дээд хэсэгт өнөөдөр өглөө эрт баавгай үзэгдсэн тухай иргэний мэдээлэл тус хорооны алба хаагчдад ирсэн байна.

Мэдээллийг хүлээн авч, онцгой байдал болон цагдаагийн байгууллагын алба хаагчид эрэн хайх ажиллагаа явуулсан. Гэвч шалгалтын дүнд тоглоомын талбайд баавгай үзэгдсэн гэх мэдээлэл худал болох нь тогтоогдож, нохой байсан талаар НОБГ-аас мэдээлэв.