Баянхошуу дэд төвд баригдсан 376 дугаар цэцэрлэг арваннэгдүгээр сард нээгдэнэ
Баянхошуу дэд төвд баригдсан 240 хүүхдийн ортой 376 дугаар цэцэрлэг арваннэгдүгээр сард хүүхэд багачуудаа хүлээж авна гэж НЗДТГ-ын хэвлэлийн хэлтсээс мэдээллээ.
Тус цэцэрлэг нь 1,945 м.кв талбайтай, хоёр давхар барилга бөгөөд бие даасан халаалтын системтэй, ус хангамж, ариутгах татуургын төвийн системд холбогджээ.
Сонгинохайрхан дүүргийн 40 дүгээр хороонд цэцэрлэгийн насны 653 хүүхэд амьдардаг боловч тус хороонд төрийн өмчийн цэцэрлэг байхгүй, зөвхөн нэг хувийн цэцэрлэг үйл ажиллагаа явуулдаг байна.
Цэцэрлэгийн барилгыг Нийслэлийн төсвийн санхүүжилт, Азийн Хөгжлийн Банк, Европын Хөрөнгө Оруулалтын Банкны зээлийн хөрөнгөөр барьжээ.
НИТХ-ын 2019 оны тогтоолоор 40 дүгээр хороо нь тус дүүргийн 7 дугаар хорооноос хуваагдаж, шинээр байгуулагдсан байна.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
