Банкны нэрийг ашигласан хуурамч дуудлага, SMS нэмэгдэж байна

Арилжааны банкуудын нэрийг ашигласан хуурамч дуудлага, SMS-ээр иргэдтэй холбогдох тохиолдол сүүлийн үед нэмэгдэж байна. Ийм холболтын үеэр "Зээлээ төлнө үү", "Кредит картын хугацаа дууслаа", "Таны нэр дээр зээл авах гэж байна" зэрэг зохиомол шалтгаан гаргаж, цахим банкны нэвтрэх мэдээллийг хууль бусаар авахыг оролддог аж.

Иймд сэжигтэй дуудлага, SMS-д хариу өгөхгүй байх, цахим банкны нэвтрэх нэр, нууц үг, нэг удаагийн нууц код, картын мэдээлэл зэрэг хувийн мэдээллээ бусдад өгөхгүй байхыг иргэд, олон нийтэд анхааруулж байна.

Ямар ч тохиолдолд банк таны нэвтрэх нэр, нууц үг, нэг удаагийн нууц код, картын мэдээллийг асуудаггүй гэдгийг сануулж байна.