Б.Түвшин АН-ын бүлгийн даргаар сонгогдлоо

Ардчилсан намын бүлгийн даргын сонгуульд 42 гишүүнээс 24 гишүүний санал авч, Б.Түвшин ялалт байгууллаа.

Тэрбээр УИХ-д сонсгож танилцуулснаар бүрэн эрх хэрэгжиж эхэлнэ гэж мэдэгдлээ. Бүлгийн даргын үндсэн үүрэг нь намын 42 гишүүнийг эв нэгдэлтэй, хүчтэй сөрөг хүчин байлгах гэдгийг онцлов.

Хувь хүний үзэл бодлыг тулгадаг зарчмаар ажиллахгүй. Дэд даргыг сонгох сонгуулийг ирэх долоо хоногт зарлана.

Мөн АН-ын бүлэг улс төрийн оноо авах хэрүүлд тэр болгон хариу өгөхгүй, харин Ардчилсан намын хөгжлийн үзэл баримтлалыг дэмжсэн бодлого явуулахыг эхний хийх зүйл гэж харж байгаагаа илэрхийллээ.