Б.Пүрэвдагва: Автомашин ачилтыг болиулах асуудлыг судалж байна
Нийслэлийн Засаг дарга бөгөөд Улаанбаатар хотын дарга Б.Пүрэвдагва сэтгүүлчдийн асуултад хариулахдаа автомашины ачилтыг болиулах эсэх асуудлыг судалж байгаа гэдгийг хэлсэн.
Тэрбээр өнгөрсөн найм, есдүгээр сард нийслэлд тээврийн хэрэгслийн улсын дугаарын тэгш, сондгойгоор замын хөдөлгөөнд оролцуулсан 28 хоногийн зохицуулалтын үр дүнг дурдсан. Энэ хугацаанд иргэд 14 хоног автомашинаа унаагүй бөгөөд уг хугацааг 2027 оны авто зам ашигласны төлбөрөөс хасна гэж тэрбээр мэдэгдэв. Авто зам ашигласны төлбөрийн хэмжээг Нийслэлийн Иргэдийн Төлөөлөгчдийн Хурал шийднэ.
Мөн автомашины албан татварыг бууруулах хүсэлтийг УИХ-д өргөн барьсан бөгөөд энэ асуудлыг УИХ шийдвэрлэнэ гэж хотын дарга хэллээ.
Автомашин ачилтын компанийн ажилтнуудыг ёсзүйн болон харилцааны сургалтад хамруулах хувилбаруудыг ярилцаж байгааг Б.Пүрэвдагва дурдсан.
Автомашин ачилтыг болиулах асуудлыг судалж байгаа. Машин ачилтын компанийн ажилтнуудыг ёсзүйн болон харилцааны сургалтад хамруулах хувилбарууд яригдаж буй
Сануулахад, Улаанбаатар хотод авто тээврийн хэрэгслийн албан татвар болон зам ашигласны төлбөрийн хэмжээг 2025 оны нэгдүгээр сарын 1-нээс нэмсэн.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
