Б.Жаргалан: Төсвийн тодотгол инфляцыг хөөрөгдөх эрсдэлтэй

Ардчилсан Намаас цаг үеийн асуудлаар мэдээлэл хийх үеэр УИХ-ын гишүүн Б.Жаргалан төсвийн тодотгол болон инфляцын байдлын талаар байр сууриа илэрхийлэв.

Тэрбээр Засгийн газраас өргөн барьсан төсвийн тодотголд урсгал зардлыг нэг тэрбум гаруй төгрөгөөр нэмэгдүүлснийг онцолж, үүнийг «байгаа огт оноогүй арга хэмжээ» гэж үнэлэв. Инфляц 13 хувь, хүнсний инфляц 25 хувьд хүрсэн нөхцөлд энэхүү шийдвэр гарч байгааг тэрээр шүүмжилсэн.

Мөнгөний бодлого чангарч байх үед төсвийн бодлого тэлж байгааг Б.Жаргалан «нэг төлөөрөө хааз, нөгөө хөлөөрөө тоормос гишгэж байгаатай адилхан зүйл» хэмээн тодорхойлов. Төсвийн алдагдлыг нэмэгдүүлэх нь инфляцыг хөөрөгдөх үр дагавартай гэж тэрээр үзэж байна.

Хэлэлцүүлгийн үеэр Төсвийн тогтвортой байдлын зөвлөл болон Монголбанкнаас төсвийн тодотгол энэ хэвээрээ батлагдвал инфляц хоёр оронтой тооноос буухгүй болохыг анхааруулсан. Мөн мэргэжлийн холбоодын зүгээс төсвийн бодлого энэ хэвээр явбал инфляц 18 хувьд хүрнэ гэдгийг мэдэгдсэн гэж гишүүн мэдээлэв.

Түүнчлэн шатахууны хомсдлоос үүдэлтэй үнийн нэмэгдэл, цахилгаан, дулааны нэмэгдэлтэй холбоотой шок, давлагаа хараахан эхлээгүй байгааг тэрээр дурдав.

«АН-ын зүгээр урсгал зардлыг нэмэгдүүлснийг эрс шүүмжил, харин ч улам бууруулах боломжтой гэж үзэж байгаа. Ингэхдээ Засгийн газар өөрөөсөө эхэлж, бүтэц бүрэлдэхүүнээ цомхотгож, давхардсан төсөл хөтөлбөрөө цөөлөх замаар урсгал зардлаа бууруулах боломжтой»