Азийн наадмын ширээний теннис: Б.Болор-Эрдэнэ Лаосын тамирчныг 4:0-ээр илүүрхэв

Японы Нагоя хот болон Айчи мужийн ойр орчмын хотоор үргэлжилж буй Азийн наадмын ширээний теннисний тэмцээн энэ сарын 20-ноос 28-ныг дуустал "Sky Hall Toyota" ордонд болж байна. Тэмцээний эхний өдрүүдэд багийн төрөл явагдсан бол өнөөдөр эмэгтэйчүүдийн ганцаарчилсан, эрэгтэй хос болон холимог хосын төрөл зохион байгуулагдлаа.

Манай тамирчдаас Б.Болор-Эрдэнэ Лаосын Чоутипон Сисомбоуныг 4:0 буюу 11:4, 11:8, 11:3, 11:6-гаар илүүрхэв. Ингэснээр тэрээр дараагийн даваанд Хонконгийн Хой Кем Доотой өрсөлдөхөөр болжээ.

Харин С.Бүрэнжаргал Узбекистаны Асел Эркебаевад ялагдсанаар тэмцээнээ өндөрлүүллээ. Мөн өчигдөр Балбын тамирчдыг ялсан холимог хос С.Анхмаа, А.Билгүүн нар өнөөдөр Малдивийн тамирчдад 2:3-аар дийлджээ.

Эрэгтэйчүүдийн хос төрөлд ихрүүд болох Б.Энхтөгөлдөрбаясгалан, Б.Энхтамирбаясгалан нар эхний тойрогт хийлээд хоёрын даваанд БНХАУ-ын тамирчидтай өрсөлдөх хуваарьтай байна.