Азийн наадамд оролцох Хойд Солонгосын баг тамирчдыг Япон нутагтаа нэвтрүүлэхээр болжээ

Японд энэ сарын 19-нд нээлтээ хийх Азийн спортын наадамд Хойд Солонгосын баг оролцохоор төлөвлөж байна. Японы Засгийн газар тус улсын тамирчдыг нутагтаа нэвтрүүлэх шийдвэр гаргажээ.

Улс төрийн нөхцөл байдлаас шалтгаалан Япон Улс Хойд Солонгосын иргэдийг нутагтаа нэвтрүүлэхээс татгалздаг ч, Азийн наадамд оролцох баг бүрэлдэхүүнийг "онцгой тохиолдол" хэмээн үзэхээ албан ёсоор мэдэгдсэн байна.

Хойд Солонгосын талаас Азийн наадамд оролцохоор 150 тамирчинтай бүрэлдэхүүнийг мэдүүлсэн юм.

Хамгийн сүүлд 2024 оны олимпын эрх авах тэмцээнд оролцохоор эмэгтэй хөлбөмбөгийн баг нь Японд нэвтрэх зөвшөөрөл авч байжээ. Түүнчлэн Япон Улс Азийн наадмыг өмнө нь 1958, 1994 онд зохион байгуулахад Хойд Солонгосын баг тамирчид оролцоогүй, ялангуяа 1994 онд улс төрийн шалтгаанаар оролцохоос татгалзсан түүхтэй.