Азийн наадам: Н.Ганбаяр, Э.Дэлгэрмаа нар хүрэл медалийн төлөө барилдана
Японы Нагоя хотод үргэлжилж буй Азийн наадмын чөлөөт болон сонгомол бөхийн төрөл өнөөдөр эхэлж, сонгомол бөхийн 67 кг, 87 кг, 130 кг болон эмэгтэй чөлөөт бөхийн 68 кг-ын жингийн барилдаанууд боллоо.
Н.Ганбаяр хүрлийн төлөө Казахстаны тамирчинтай барилдана
Сонгомол бөхийн 67 кг-ын жинд зодоглосон Намсрайн Ганбаяр эхний даваанд Индонезийн Мухаммад Альянсяхыг 3:1-ээр илүүрхсэн ч хоёрдугаар тойрогт Японы Кётаро Согабэд 2:10-аар дийлдсэн.
Ингэснээр тэрээр хүрэл медалийн төлөө Казахстаны Мейржан Шермаханбеттай хүч үзэхээр болсон бөгөөд барилдаан Улаанбаатарын цагаар 17:07 цагт эхэлнэ.
Э.Дэлгэрмаа хүрэл медалийн төлөө БНХАУ-ын тамирчинтай барилдана
Эмэгтэйчүүдийн 68 кг-ын жинд зодоглосон Энхсайханы Дэлгэрмаа эхний давааг хийлээд хоёрдугаар тойрогт Японы Иши Амитай барилдаж оноогоор цэвэр ялагдсан. Гэхдээ дагах барилдаанд Казахстаны Жамила Бакбергановаг 6:0-ээр ялснаар хүрэл медалийн төлөө БНХАУ-ын Шиа Лонтой Улаанбаатарын цагаар 18:28 цагт барилдахаар болжээ.
Холбоотой мэдээ
Монгол, Өвөр монголын багийн халз барилдаан тэнцээгээр өндөрлөв
Айчи-Нагоя 2026: Монголын 44 тамирчинг паралимпын наадамд үдэн гаргалаа
Айчи Нагоя 2026: Монгол Улс 15 медаль хүртэж, сүүлийн 20 жилийн хамгийн муу амжилт үзүүлэв
13 настай Хятадын тамирчин Азийн наадмын эмэгтэй MVP болжээ
Азийн XX наадам өндөрлөж, Монголын тамирчид 15 медаль хүртэв
