Азийн наадам: Монгол Улс нэг хүрэл медалиар 36 дугаар байранд

Японд үргэлжилж буй Азийн наадам өндөрлөхөд хэдхэн хоног үлдээд байна. Одоогийн байдлаар БНХАУ-ын баг 143 алт, 63 мөнгө, 49 хүрэл медалиар тэргүүлж байна.

Түүний дараа Япон 183 медальтайгаас 45 нь алт, БНСУ 24 алт, 27 мөнгө, 45 хүрэл медальтай жагсаж байна.

Монгол Улсын хувьд дугуйчин Сайнбаярын Жамбалжамц цуваа гараанд хүрэл медаль хүртээд байна. Мөн боксчин Хархүүгийн Билгүүнсайхан хагас шигшээд шалгарч, медалийн болзол хангасан бөгөөд өнөөдөр Японы тамирчин Рүи Ямагүчитай өрсөлдөх хуваарьтай.

Өнөөдрийн байдлаар 40 улс медаль хүртсэнээс Монгол Улс нэг хүрэлтэйгээр Бангладеш, Бруней, Лаос, Сирийн хамт 36 дугаар байранд жагсаж байна.

Энэ удаагийн наадамд медаль авч амжаагүй улсууд:

• Бутан
• Мальдив
• Палестин
• Зүүн Тимор
• Йемен
• Азийн дүрвэгсдийн баг

Өнөөдөр Монголын багийн гол төрлүүд болох чөлөөт, сонгомол болон жүдогийн төрлүүд эхэлж байна.