Автомашингүй өдрийн бүсэд оршин суугчид машинаа өнөөдөр гаргахыг санууллаа
Нийслэл хотод маргааш буюу Бямба гарагт автомашингүй өдөр арга хэмжээ болохыг албаныхан мэдээлсэн. Хязгаарлалтын бүсэд оршин суудаг иргэд өнөөдөр автомашинаа уг бүсээс гаргахыг сануулж, маргааш гаргах боломжгүй гэдгийг анхаарууллаа.
Хязгаарлалтын хугацаа, бүс
Автомашингүй өдөр 07:00-18:00 цагийн хооронд Баруун дөрвөн замаас Зүүн дөрвөн зам хүртэл хязгаарлалт үйлчилнэ. Тухайлбал, Өгөөжийн уулзвараас Сөүлийн гудамж, Цэцэг төвөөс Цаг уурын уулзвар, Цаг уурын уулзвараас Төрийн ордон, Чингис хааны музей, МУИС, ШУТИС, МУБИС-ийн уулзвараас Зүүн дөрвөн зам хүртэл автомашины хөдөлгөөнийг хязгаарлана.
Мөн хязгаарлалтын бүсэд цахилгаан скүүтэр, мопед, сурронтой иргэдийг оруулахгүй.
Шөнийн марафон
Шөнийн марафон маргааш 17:00-23:00 цагийн хооронд болно. 5, 10, 21 километрийн гүйлтийн үеэр цагдаагийн байгууллагаас олон нийтийн болон замын хөдөлгөөний аюулгүй байдлыг хангаж ажиллах аж.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
