Аутизмтай хүүгийн ээж: Хөдөө аутизмтай хүүхдийг “балай хүүхэд” гэж ярьдаг

Аутизмтай хүүхдийн ээж С.Батцэцэг ярилцлага өгөхдөө хөдөө орон нутагт аутизмтай хүүхдийг “балай хүүхэд” гэж нэрлэдэг хэвээр байгаа талаар дурдсан. Тэрбээр хүүгийнхээ оношийг хэрхэн мэдсэн, боловсрол, нийгмийн хандлагын талаар ярьсан.

С.Батцэцэг хэлэхдээ, хүүгээ цэцэрлэгт явуулж эхэлсний дараа өрхийн эмч нь хүүхэд үеийнхнээсэө өөр, команд биелүүлдэггүй гэж хэлж, СЭМҮТ-д үзүүлэхийг зөвлөсөн. Эхэндээ тэрбээр эмчийн үгийг хүлээн авахгүй байсан ч хожим нь хүүгээ гурван настайд нь аутизмтай гэж оношилсон гэв.

Оношийг мэдсэний дараа ажлаасаа гарч, хүүхдээ хөгжүүлэхэд анхаарсан гэдгийг тэрбээр хэлсэн. Харин ерөнхий боловсролын цэцэрлэг, сургуулийн багш нарт аутизмтай хүүхэдтэй харилцах мэдлэг, туршлага дутмаг байгааг онцолсон.

Тэрбээр хүүгээ хөдөө сум руу аваачиж, нэг жил сумын сургуульд сургасан туршлагаасаа хуваалцсан. "Хөдөө орон нутагт аутизмтай хүүхдийг “балай хүүхэд” л гэж ярьдаг. Тэндхийн эмч, багш нар, эцэг эхчүүд аутизмын тухай ямар ч ойлголтгүй байсан" гэж тэрбээр ярьсан. Гэхдээ сумын сургуульд хүү нь нийгэмшиж, ангийнхан нь түүнийг хамгаалдаг болсон нь сайхан туршлага байсан гэж дурдсан.

Нийгмийн хандлагын тухай ярихдаа, "Гадуур явахад битгий өрөвдсөн эсвэл сонжсон харцаар удаан хараарай. Хүмүүсийн харц, биеийн хэлэмж үгнээс илүү мэдрэгдэж, тухгүйтүүлдэг" гэж хэлсэн.

Тэрбээр Улсын сэргээн засах төвийн үйл ажиллагаа сайн боловч боловсон хүчин дутмаг, зарим өрөө нь хаалттай байдаг талаар дурджээ. Одоогоор тэрбээр хувийн сэргээн засахуудаар явж, бариа, уламжлалт эмчилгээ зэрэг бүхий л боломжийг туршиж байгаа гэв.

Аутизмтай хүүхэдтэй аав, ээжүүдэд хамгийн хэрэгтэй зүйл бол чанартай сэргээн засах төв гэж тэрбээр үзэж байна. Ингэснээр хүүхдээ аюулгүй газар үлдээгээд хагас цагийн ажил хийх эсвэл өөртөө цаг гаргах боломжтой болно гэж тайлбарласан.

Хамгийн хэцүү үеийн тухай асуухад тэрбээр эгчийнхээ хамт гадуур хооллож байхад хүү нь чанга чимээ гаргахад хүмүүс "Наад балай хүүхдээ зайлуул" гэж хэлсэн явдлыг дурдсан. Эгч нь үүнийг сонсоод их уйлсан гэж тэрбээр ярьсан.