АҮЭБЯ: Шатахууны нийлүүлэлт буурч, үнэ 550 төгрөгөөр нэмэгдэв

ОХУ-аас тогтвортой үнээр шатахуун авдаг байсан гэрээтэй ч дайны улмаас газрын тосны үйлдвэрүүд дэлбэрэлтэд өртсөнөөр шатахууны үнэ өсөж, нийлүүлэлт багасаж байгааг АҮЭБ-ын дэд сайд Б.Мөнхтамир мэдээлэв.

Өнгөрсөн сартай харьцуулахад шатахууны үнэ 190 доллароор өссөн тул ААН-үүд үнээ 550 орчим төгрөгөөр нэмсэн байна.

Өнгөрсөн сартай харьцуулахад 190 доллароор өссөн учраас ААН-үүд үнээ 550 орчим төгрөгөөр нэмсэн байна.

11, 12 дугаар сард шатахууны нийлүүлэлт багасах төлөвтэй байгаа бөгөөд БНХАУ, Солонгос, Сингапур, Малайз улстай шатахуун авах хэлэлцээр хийж байна.

Монополын эсрэг газарт өмнөх саруудад орж ирсэн шатахууныг нэмэгдсэн үнээр зарж байгаа эсэхэд хяналт шалгалт хийх, мөн ААН-үүд давуу байдлаа ашиглан үнийг үндэслэлгүйгээр нэмж байгаа эсэхэд хяналт тавих даалгавар өгсөн.

Benzin.mn-ээр дамжуулан шатахуун олгож байгаа ШТС-уудын мэдээллийг түгээх бөгөөд ирэх долоо хоногоос нийслэлд үйл ажиллагаа явуулж байгаа 264 ШТС-ын шатахууны үлдэгдлийн мэдээллийг ил тод болгоно. Хяналтын камерын тусламжтайгаар оочир дарааллыг урьдчилж харах боломжтой.

Тээвэрлэлттэй холбоотойгоор орон нутагт нийслэлээс 1-2 хоногийн доголдолтой хүргэгдэж байна.