Аргентин дахь нацистуудын дээрэмдсэн зураг хууль ёсны эзэндээ очлоо

Аргентин шүүх дэлхийн хоёрдугаар дайнаас хойш нацистуудын дээрэмдсэн "Хатагтайн хөрөг" уран зургийг хууль ёсны эзний өв залгамжлагчид буцааж өгөх шийдвэр гаргажээ.

Бароккогийн сүүл үеийн хэв маягтай уг хөргийг 2025 оны наймдугаар сард Буэнос-Айрес хотын ойролцоо зарагдах байсан орон сууцны зарын гэрэл зургаас олж илрүүлсэн. Уг байрны эзэгтэй нь дайны дараа дүрвэж очсон нацистын охин Патрисиа Кадгиен байв.

Түүнийг хулгайн бүтээл нуун дарагдуулсан хэрэгт холбогдуулж шүүхэд өгөх шахам болоход Кадгиен зургийг эзэнд нь шилжүүлэхээ зөвшөөрсөн. Мөн тэрбээр орон нутгийн эмнэлэгт 4.8 сая песо ($3,185) хандивлах нөхцөлөөр ялгүй үлдэхээр тохиролцжээ.

Тус зураг нь 1940 онд Нидерландыг нацистуудад эзлэсний дараа урлагийн худалдаачин Жак Гүдстиккерийн цуглуулгаас дээрэмдсэн 1,000 гаруй бүтээлийн нэг юм. Түүний бэр, цорын ганц өв залгамжлагч Марей фон Сахер уг бүтээлийг Буэнос-Айрес хотын Холокостын музейд түр хугацаагаар байрлуулж, олон нийтэд мэдээлэл хүргэхээр болжээ.

Фон Сахерын хэлснээр уг зургийг хууль ёсны эзэнд нь буцаах нь түүхэн шударга ёсыг сэргээж буй хэрэг юм.