Антибиотикийг зохисгүй хэрэглэх нь супер нян үүсэх эрсдэлтэй
Эмийг зөв сонгож, зөв тунгаар, зөв хугацаанд хэрэглэх нь эмчилгээний үр дүнг сайжруулж, гаж нөлөө болон эмэнд тэсвэржилтээс сэргийлэх чухал алхам гэдгийг Халдварт Өвчин Судлалын Үндэсний Төв (ХӨСҮТ)-өөс зөвлөлөө.
Дэлхийн Эрүүл Мэндийн Байгууллагын тооцоогоор дэлхий даяар хэрэглэж буй эмийн талаас илүү хувь нь зохисгүй жороор бичигдэх, олгогдох эсвэл борлуулагддаг байна.
Эмийг зохисгүй хэрэглэснээс хөгжиж буй орнуудын эрүүл мэндийн нийт зардлын 70 хүртэлх хувь үр ашиггүй зарцуулагдаж болзошгүй.
Антибиотикийг хэтрүүлэн болон зохисгүй хэрэглэх нь эмэнд тэсвэртэй супер нян үүсэхэд нөлөөлж, эмчлэхэд хүндрэлтэй халдвар болон нас баралтыг нэмэгдүүлдэг.
Зөвлөмж
- Эмчийн заавар, жорын дагуу эмээ хэрэглэх
- Эмийг өөрийн дураар сонгон хэрэглэхгүй байх
- Эмийг зөв тунгаар, зөв хугацаанд хэрэглэх
- Эмийг зааврын дагуу зөв хадгалах
- Эмийн гаж нөлөө илэрвэл эмч, эм зүйчид мэдээлэх
- Антибиотикийг зөвхөн эмчийн зааврын дагуу хэрэглэх
Холбоотой мэдээ
Хүүхдийн эрт илрүүлгийн явц, өвчлөлийн талаар хэвлэлийн бага хурал зарлалаа
Угаарын хий амтгүй, үнэргүй тул яндангийн сойлтыг хаахгүй байхыг анхааруулав
Хөлөнбуйрт тахлын шинж тэмдэг илэрснийг Н.Номтойбаяр мэдээлэв
Монгол эмч Д.Мөнхжавхлан Ази, Номхон далайн диализын хурлын шилдэг илтгэлээр тэргүүллээ
Угаарын хийн хордлогын улмаас 74 иргэн эмнэлгийн тусламж үйлчилгээ авчээ
