Ажил олгогчийн НДШ 12.3 хувь болж буурна

Улсын Их Хурлын чуулган 2026 оны долоодугаар сарын 02-ны өдөр Нийгмийн даатгалын ерөнхий хуульд нэмэлт, өөрчлөлт оруулах тухай хуулийг хэлэлцэн баталсан. Уг шинэ зохицуулалтыг Нийгмийн даатгалын ерөнхий газраас танилцууллаа.

Өөрчлөлтөөр ажил олгогчийн төлөх нийгмийн даатгалын шимтгэлийн хувь хэмжээг 0.1-0.2 хувиар бууруулжээ. Тухайлбал үйлдвэрлэлийн осол, мэргэжлээс шалтгаалсан өвчний даатгалын 0.5, 1.5, 2.5 хувийн шатлалыг 0.3, 1.2, 2.2 хувь болгож, тус бүр 0.3 хувиар буулгасан байна. Харин ажилгүйдлийн даатгалын хувь хэмжээг 0.5 хувиас 0.6 хувь болгож нэмэгдүүлсэн байна.

Ингэснээр ажил олгогчийн төлөх нийгмийн даатгалын шимтгэл шаталсан байдлаар 10.5 хувиас 10.4, 11.5 хувиас 11.3, 12.5 хувиас 12.3 хувь болж буурсан аж. Хуулийн шинэчлэл 2027 оны нэгдүгээр сарын 1-ний өдрөөс хэрэгжиж эхэлнэ.