Айчи-Нагоя 2026: Монголын 44 тамирчинг паралимпын наадамд үдэн гаргалаа
Япон улсын Айчи-Нагоя хотод Азийн зуны спортын паралимпын V наадам аравдугаар сарын 18-24-ны өдрүүдэд зохион байгуулагдана.
Энэ удаагийн наадамд 45 орны 4,000 тамирчин 18 спортын төрөлд оролцохоо мэдүүлсэн бол Монгол Улсаас 10 спортын төрөлд 44 тамирчин өрсөлдөх юм.
Монголын баг тамирчдыг үдэн гаргах ёслол өнөөдөр Соёл, спорт, аялал жуулчлал, залуучуудын яаманд боллоо.
Арга хэмжээний үеэр ССАЖЗЯ-ны Төрийн нарийн бичгийн дарга Б.Бат-Эрдэнэ Монголын багийг ахлагч Ц.Одонбаяр, Монголын багийн тугч, Хөдөлмөрийн баатар, гавьяат тамирчин Э.Содномпилжээ нарт Монгол Улсын төрийн далбааг гардуулан өгөв.
Монголын пара тамирчид "Гуанжоу-2010" Азийн зуны спортын анхдугаар наадмаас хоёр мөнгө, гурван хүрэл медаль хүртэж байсан бол "Ханжоу-2022" Азийн пара наадмаас хоёр алт, гурван мөнгө, гурван хүрэл медаль хүртсэн нь хамгийн өндөр амжилт үзүүлсэн наадам юм. Тус наадамд Монгол Улсын баг тамирчид дөрвөн удаа оролцоход нийт 29 медаль хүртэж байжээ.
Холбоотой мэдээ
Монгол, Өвөр монголын багийн халз барилдаан тэнцээгээр өндөрлөв
Айчи Нагоя 2026: Монгол Улс 15 медаль хүртэж, сүүлийн 20 жилийн хамгийн муу амжилт үзүүлэв
13 настай Хятадын тамирчин Азийн наадмын эмэгтэй MVP болжээ
Азийн XX наадам өндөрлөж, Монголын тамирчид 15 медаль хүртэв
Монгол Улс, FIFA хөлбөмбөгийн цэнгэлдэх хүрээлэн байгуулах санамж бичигт гарын үсэг зурлаа
