Айчи Нагоя 2026: Монгол улс нэг алт, дөрвөн хүрэл медальтайгаар 26-д жагсаж байна

Японы Нагоя хот болон Айчи мужийн ойр орчмын хотуудад үргэлжилж буй Азийн наадам дуусахад гурван хоног үлдсэн байна. Тэмцээний жүдогийн төрөл өчигдөр эхэлсэн бөгөөд эрэгтэйчүүдийн 66 кг-ын жинд К.Ёолк алт, эмэгтэйчүүдийн 48 кг-ын жинд Г.Наранцэцэг хүрэл медаль хүртжээ.

Боксын төрлөөр эрэгтэйчүүдийн 55 кг-ын жинд Х.Билгүүнсайхан хүрэл медаль авсан бол и-спортын "Mobile Legends: Bang Bang" төрлөөр Монголын баг хүрэл медаль хүртсэн байна.

Ингэснээр манай улс нийт нэг алт, дөрвөн хүрэл медальтай боллоо.

Өмнө нь дугуйн цувуу гараанд С.Жамбалжамц хүрэл медаль хүртээд байсан юм.

Одоогийн байдлаар 40 улс ямар нэгэн медаль хүртээд байгаа бол 26 улс дор хаяж нэг алтан медаль зүүсэн байна. Манай улс дээрх үзүүлэлтээр 26-д жагсаж байна.

Нийт медаль болон алтан медалийн тоогоор БНХАУ илт давуу тэргүүлж байна. Урд хөршийн баг тамирчид 277 медаль хүртсэнээс 151 нь алт бол нутагтаа болж буй тэмцээнд япончууд 200 дахь медалиа хүртэв.