Айчи Нагоя 2026: Д.Энхтүвшин харайлтын төрөлд шигшээ наймд шалгарлаа
Японд үргэлжилж буй Айчи Нагоя 2026 Азийн наадмын спортын гимнастикийн төрөлд Монголын хоёр тамирчин өрсөлдөж байна. Олон улсын хэмжээний мастер Э.Өсөхбаяр үндсэн зургаан дасгалд бүгдэд нь оролцож байгаа бол Д.Энхтүвшин гурван дасгалд хүч сорьж байна.
Харайлтын дасгалд Д.Энхтүвшин 13.216 оноо авч, шигшээ наймд багтсанаар медалийн төлөө өрсөлдөх эрхээ авлаа.
Энэ дасгалд Хонконгийн Нг Ка Ки 14.166 оноогоор тэргүүлсэн бол БНСУ, Иран, Филиппин, Вьетнам болон Малайзын хоёр тамирчин Д.Энхтүвшингийн онооноос илүү оноо авч шигшээд шалгарсан байна.
Шигшээ энэ сарын 24-ний Пүрэв гарагт болно. Зургаан дасгалын нийлбэр дүнгээр Э.Өсөхбаяр 73.731 оноотойгоор нийт 23 тамирчнаас 15 дугаарт жагслаа.
Холбоотой мэдээ
Монгол, Өвөр монголын багийн халз барилдаан тэнцээгээр өндөрлөв
Айчи-Нагоя 2026: Монголын 44 тамирчинг паралимпын наадамд үдэн гаргалаа
Айчи Нагоя 2026: Монгол Улс 15 медаль хүртэж, сүүлийн 20 жилийн хамгийн муу амжилт үзүүлэв
13 настай Хятадын тамирчин Азийн наадмын эмэгтэй MVP болжээ
Азийн XX наадам өндөрлөж, Монголын тамирчид 15 медаль хүртэв
