Айчи Нагоя 2026: 3х3 сагсан бөмбөгийн эрэгтэй баг Филиппинд хожигдож, Казахстаныг илүүрхлээ

Японд болж буй Азийн наадмын 3х3 сагсан бөмбөгийн төрөл өнөөдөр эхэлсэн бөгөөд тус төрөлд 23-аас доош насныхан өрсөлдөж байна.

Монголын эрэгтэй шигшээ багийн бүрэлдэхүүнд Г.Болор-Эрдэнэ, С.Биндэрьяа, Ч.Тэмүүлэн, Г.Балжинням нар багтаж, улсаа төлөөлж байна.

Залуус "A" хэсэгт Филиппин, Казахстан, Шри Ланкийн багуудтай хамт өрсөлдөхөөр сугалаа татсан.

Эхний тоглолтод Филиппиний багтай тоглож 19:12-оор дийлдсэн бол хоёр дахь тоглолтод Казахстаныг 13:8-аар буулган авч, эхний өдрийг нэг хожил, нэг ялагдалтай үдлээ.

Хэсгийн сүүлийн тоглолтоо энэ сарын 23-ны Лхагва гарагт Улаанбаатарын цагаар 11:50 цагаас Шри Ланкийн багтай хийх хуваарьтай байна.

Тэмцээний бүтэц

3х3 сагсан бөмбөгийн эрэгтэйчүүдийн ангилалд нийт 16 баг өрсөлдөж байна. Хэсгээ тэргүүлсэн дөрвөн баг шууд шөвгийн наймд шалгарах бол хамгийн сүүлд орсон дөрвөн баг хасагдана. Харин хэсгийн хоёр, гуравдугаар байр эзэлсэн багууд нэмэлт тоглолт хийж, хожсон нь шөвгийн наймд өрсөлдөх эрх авна.