АИ-92 автобензин 10 хоног, дизель түлш 28 хоногийн нөөцтэй байна

Улсын хэмжээнд өнөөдрийн байдлаар АИ-92 автобензин 21,747 тонн буюу 10 хоногийн нөөцтэй, дизель түлш 112,744 тонн буюу 28 хоногийн нөөцтэй байна гэж Шатахууны шуурхай штаб мэдээллээ.

2026 оны аравдугаар сарын 1-20-ны өдрүүдэд нийт 40,800 тонн АИ-92 автобензин импортолсон. Одоогоор 70 вагон буюу ойролцоогоор 4,200 тонн АИ-92 автобензин байгаагаас буулгах өртөөд 43 вагон буюу 2,580 тонныг агуулахуудад буулгаж байна.

Онгоцны түлш 7,500 тонн буюу 36 хоногийн ердийн хэрэглээний үлдэгдэл нөөцтэй байна.

Өчигдрийн байдлаар Улаанбаатар хотын 119 шатахуун түгээх станц руу 916 тонн АИ-92 автобензин түгээж, орон нутгийн 180 шатахуун түгээх станц руу 1,200 тонн АИ-92 автобензинийг ачилтаар гаргасан байна.

Цаашид орон нутгийн шатахуун хангамжийг хүртээмжтэй байлгахад түлхүү анхаарч ажиллаж байна гэв.