Ахмадын тэтгэврийн нэмэгдэл: төсвийн тодотгол хэлэлцэгдэж байна

Аравдугаар сарын 1-ний Ахмадын баярын өмнөхөн тэтгэврийн нэмэгдлийн асуудал УИХ-д хэлэлцэгдэж байна. Ерөнхий сайд арваннэгдүгээр сарын 1-нээс ахмадын тэтгэврийг 100-300 мянган төгрөгөөр нэмэх амлалт өгсөн бөгөөд үүний тулд 2026 оны төсвийн тодотголыг батлах шаардлагатай.

Төсвийн тодотголыг хэлэлцэх УИХ-ын ээлжит бус чуулган есдүгээр сарын 7-ноос 14-ний хооронд хуралдсан.

Чуулганаар төсвийн тодотголыг 82.4 хувийн саналаар дэмжиж, гурав дахь хэлэлцүүлэгт шилжүүлсэн юм.

Харин есдүгээр сарын 15-наас эхэлсэн намрын ээлжит чуулган гишүүдийн ирц бүрдээгүйн улмаас хоёр удаа хойшлогджээ.

УИХ-ын дарга С.Бямбацогт: “Одоо нэг долоо хоногийн хугацаа алдахад төсвийн тодотголыг арваннэгдүгээр сарын 1-нээс хэрэгжүүлэх боломжгүй болно. УИХ-ын гишүүд хуралдаа сууж, асуудал байвал хуралдааны танхимдаа ярилцаж хэлэлцэх хэрэгтэй байна” гэлээ.