207 дугаар байрыг шинэчлэн барих ажлыг 2027 оны гуравдугаар сард дуусгахаар төлөвлөжээ
2024 оны нэгдүгээр сард хий тээвэрлэж явсан автомашин дэлбэрсний улмаас Баянзүрх дүүргийн 26 дугаар хороо, Дүнжингарав худалдааны төвийн урд байрлах 13 давхар 207 дугаар байр шатаж, өнгөрсөн онд буулгасан.
Тухайн орон сууцны буурин дээр нийслэлийн төсвийн 17.3 тэрбум төгрөгөөр дахин орон сууц барьж, оршин суугчдыг оруулахаар энэ оны нэгдүгээр сард тендер зарласан.
Барилгын ажлыг Дабльпирамид констракшн ХХК болон Гэрэгэтехнологи ХХК-ийн түншлэл гүйцэтгэж, Нийслэлийн Хөрөнгө оруулалтын газар захиалагчийн хяналтыг хэрэгжүүлж байна. Энэ оны 11 дүгээр сарын нэгэн гэхэд гадна тохижилт болон фасадын ажлыг дуусгаж, дотор заслын ажлыг эхлүүлэхээр төлөвлөжээ.
2027 оны гуравдугаар сард барилгыг бүрэн дуусгаж, ашиглалтад оруулахад гүйцэтгэгч компани хяналт хэрэгжүүлэгч газраас илэрхийлсэн байна.
Тус байрны 63 өрхийн 218 оршин суугч өнөөдрийг хүртэл түрээсийн орон сууцанд амьдарч байна.
Нийслэлээс гаргасан төсвийн мөнгийг ослын хэргийг шүүхээр эцэслэн шийдвэрлэсний дараа гэм буруутай этгээдээр төлүүлнэ гэж албаныхан мэдээлсэн.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
